Feidhmeannach Airgeadais
Is é is Safefood ann ná comhlacht forfheidhmithe a cuireadh ar bun faoi Chomhaontú na Breataine-na hÉireann agus a bhfuil freagracht air as sábháilteacht bia, bia sláintiúil agus taighde a chur chun cinn agus comhar eolaíoch a chothú ar bhonn uile-oileáin.
Feidhmeannach Airgeadais
Iarrtar iarratais anois ar an bpost mar Fheidhmeannach Airgeadais, a bheidh lonnaithe inár n-oifig i gCorcaigh.
Tabharfaidh an Feidhmeannach Airgeadais tacaíocht chuimsitheach maidir le tuarascálacha cruinne tráthúla airgeadais agus chuntasaíochta a sholáthar, mar aon le faisnéis eile de réir mar a éilítear. Bainisteoidh sé/sí próiseáil párolla Safefood agus tabharfaidh sé/sí faoi dhualgais eile riaracháin chorparáidigh de réir mar is gá.
Cáilíochtaí agus Taithí
- Cuntasóir Cáilithe: ACCA, ACA, CIMA, nó eile, nó ag obair i dtreo cáilíocht ábhartha, agus cáilithe ar shlí eile trí thaithí ábhartha fhairsing.
- Taithí ábhartha cúig bliana ar a laghad ar obair i ról airgeadais.
- Taithí intaispeánta ar chuntais a ullmhú go céim an chomhardaithe trialach, lena n-áirítear na dialanna/na coigeartuithe is gá laistigh de chreat reachtúil agus rialála na hÉireann
- Taithí intaispeánta ar phróiseáil párolla
- Sárscileanna scríbhneoireachta tuarascálacha, agus an cumas chun saincheisteanna airgeadais a chur in iúl go soiléir do ghairmithe nach saineolaithe airgeadais iad
- An-inniúil in uirlisí TF a úsáid san áit oibre, lena n-áirítear bogearraí airgeadais, Excel, MS Teams, Sharepoint, Outlook.
Tuarastal
Ardoifigeach Feidhmiúcháin, €56,607 go €68,839 (Ráta nach Ráta RRP). Déanfar an ceapachán ag bunphointe an scála.
Conas Iarratas a Dhéanamh
Is féidir mionsonraí iomlána faoin bpost seo agus faoi conas iarratas a dhéanamh air a aimsiú anseo.
Is é 12 pm meán lae Dé hAoine an 20 Márta 2026 an dáta deiridh ar a nglacfar le hiarratais.
Tá Safefood tiomanta do chomhionannas deiseanna a chur chun cinn.
