Príomhspeisialtóir um Chothú
Iarrtar iarratais anois ar an bpost mar Príomhspeisialtóir um Chothú a bheidh lonnaithe inár n-oifig i gCorcaigh.
Is é is Safefood ann ná comhlacht forfheidhmithe a cuireadh ar bun faoi Chomhaontú na Breataine-na hÉireann agus a bhfuil freagracht air as sábháilteacht bia, bia sláintiúil agus taighde a chur chun cinn agus comhar eolaíoch a chothú ar bhonn uile-oileáin.
Cabhraíonn an ról seo le Stiúrthóir Cothaithe Safefood agus é i mbun ár bhfeidhmeanna cothaithe a chomhlíonadh. Áirítear leo sin faoi láthair rannchuidiú le forbairt beartais, le cur chun feidhme beartais, le taighde, le cothú pobail, le líonraí gairmiúla, agus le cumarsáid.
Áireofar na nithe seo leis na gníomhaíochtaí: caidreamh a dhéanamh le geallsealbhóirí ildisciplíneacha ar bhonn uile-oileáin; riachtanais taighde a shainaithint; treoir cothaithe a thabhairt do thionscnaimh agus d’fheachtais; faisnéis eolaíoch a aistriú ina dea-chleachtas le haghaidh nósanna sláintiúla itheacháin a chumasú agus a chur chun cinn; measúnú agus meastóireacht neamhspleách a dhéanamh ar thionscnaimh; líonraí gairmiúla a fhorbairt agus a chothabháil; obair i gcomhoibriú le gníomhaireachtaí seachtracha; agus gníomhú mar urlabhraí meán ar chothú thar ceann Safefood.
Is é atá sa ról ná ról lena n-éilítear solúbthacht agus an cumas chun saincheisteanna casta cothaithe sláinte poiblí amhail bochtaineacht bia agus murtall a choimriú agus a chur in iúl.
Cáilíochtaí agus Taithí
Céim Iarchéime in Eolaíochtaí Cothúcháin, i gCothú an Duine nó i réimse gaolmhar.
Taithí cúig bliana ar a laghad ar obair sa chothú sláinte poiblí, sa bhainistíocht tionscadal, sa taighde, sa scríbhneoireacht tuarascálacha, agus i bhfaisnéis a chóimheas, a mheas, agus a chur in iúl.
Ní mór do dhiaitéitigh a bheith incháilithe le haghaidh clárúchán leis an mBord Clárúcháin ag an gComhairle um Ghairmithe Sláinte agus Cúraim Shóisialaigh (CORU).
Ní mór do chothaithigh a bheith incháilithe le haghaidh clárúchán le Cumann na gCothaitheach Cláraithe (AFN).
Tuarastal
Feidhmeannach Teicniúil Sinsearach (ar bhonn NPPC) €69,305 – €87,062. Déanfar an ceapachán ag bunphointe an scála.
Conas Iarratas a Dhéanamh
Is féidir mionsonraí iomlána faoin bpost seo agus faoi conas iarratas a dhéanamh air a aimsiú anseo.
Is é 12 pm meán lae Dé hAoine an 13 Feabhra 2026 an dáta deiridh ar a nglacfar le hiarratais.
Tá Safefood tiomanta do chomhionannas deiseanna a chur chun cinn.
